Thursday, April 14, 2016

මීමුරේ තවත් දවසක්. (meemure 2)

මීමුරේ සංචරයේ ඔන්න ත්වත් එක දවසක් ගැන කියන්න පෙන්නන්න තමයි අද මේ අපි ආපහු සූදානම් වෙන්නේ.. සුන්දර නිස්කලංක රෑකට පස්සේ අපි පිටත් වුනා පොඩි අලුත් අත්දැකීම් ටිකක් මගේ යාළුවෝ එක්ක එකතු වෙලා ලබාගන්න... අපේ මග පෙන්වන්නා වගේම නඩේ ගුරා මයුර. ඒ කියන්නේ අපේ බයිටා..

ඔන්න ඉතිං කියපු වෙලාවටම වැඩ කරන අපේ අයව ලෑස්ති කරන් අමාරුවෙන් එලියට බහිනකොට ටිකක් වෙලාව ගිහින්.. අපි ගමේ ලස්සන සුන්දරත්වය එතකොටියි හරියටම දැක්කේ.. මොකද කලින් දවසේ කළුවරේ තමයි අපි ආවේ.. ගැමි සුන්දරත්වය මොන තරම් අපූර්ව දෙයක්ද කියල අපිට හොදට දැනුනා වගේම තේරුණා හොදට...
හෙල්මළු ආකාරයට තිබෙන කුඹුරු එලවළු කොරටු මැදින් තමයි අපේ ගමන් මාර්ගය තිබුනේ.. නියරවල් දිගේ `ඇළ දියකඩිති උඩින් පුදුම ලස්සන ගමනක් තමයි අපිට තිබුනේ.. ලංකාවේ ගොඩක් ජනප්‍රිය වුන සූරිය අරණ චිත්‍රපටයේ පසුතලයන් ගොඩක් සදහා මේ ගමේ ස්ථාන තමයි අරන් තියෙන්නේ.

ඒ වගේම ලස්සන ස්ථාන ගොඩක් බලන්න තියනවා. අපේ නම් අද දවසම ගෙවන්න යොදා ගෙන තිබුනේ අමුතුම විදිහේ අලුත් අත්දැකීම් ටිකක් එකතු


කරගන්න.   අපේ යාළුවා මයුර ඒ කියන්නේ බයිටා තමයි ඔක්කම සූදානම් කලේ. හැබැයි මේ ඔක්කම ගොඩාක් ආරක්ෂාකාරී විදිහට. ඒ “යමං”  කන්ඩායම් සහයෝගය. ලිස්සන්න, උසක ඉදන් වතුරට පනින්න වගේ ගොඩාක් දේවල් අපිට කරන්න ලැබුණා. ලොකු අත්දැකීම් ටිකක් බයක් නැතුව ලබාගන්න පුළුවන් වුණා “මීමුරේ යනවා නම් යමං එක්ක” කියන එක ඇත්තක් කියලා අපිටත් තේරෙන තරමටම.
ගැමි සුන්දරත්වය විදගන්න පුළුවන් වෙලාවක යන්න.. සොදුරු අත්දැකීම් ගොන්නක් එක්කාසු කරගන්න නම් අපි නම් කියන්නේ “යමං” එක්ක මීමුරේ යන්න.. අපි ආරාධනා කරන්නේ කොහම හරි එන්න.. හැබැයි මේ සුන්දරත්වයට හානියක් නම් කරන්න එපා. ඒක හරිම අහිංසක ඉල්ලීමක්.. අපි තිරික්කලේ වෙනුවෙන් මයුර ඒ කියන්නේ බයිටා උබට ගොඩක් ස්තූතියි කරනවා..






















 

සුරතලී ඇල්ල (surathali water fall)

බෙලිහුල් ඔය පැත්තේ යනවා නම්  අතරමගදී පොඩ්ඩක් ගමන් මහන්සිය  එහම නිවාගන්න පුළුවන් සුන්දර  ස්ථානයක් ගැන තමයි  කියන්න යන්නේ.. ඒ සුන්දර සුරතලී ඇල්ල.. ප්‍රධාන මාර්ගයේ ඉදලා  මීටර් 50 ක් වගේ තමයි මෙතනට යන්න තියෙන්නේ. සොයාගන්න  ඒ තරම් නම් අමාරු වෙන්නේ  නෑ.. මොකද ප්‍රධාන මාර්ගයේම තොරතුරු පුවරුවක් සවි කරලා තියනවා.. ඒක නිසා හොයාගන්න හරි ලේසියි. අපිත් ඉතිං ගොඩ වුනා වැඩිය හිතන්නේ නැතුවම.

වතුර පාර දිගේ  වගේම වතුරෙනුත් බැහැලා යන්න පුළුවන්. අපි යනකොට නම් ලොකු වතුර  පාරක් තිබුනේ නෑ.. පායන කාලයක් නිසා තමයි එහම.එහම වුනා කියල මෙයා කඩන් හැලෙන ලස්සන නම් අඩුවක් වෙලා නෑ කියලා අපිට තේරුනා ලගට  යනකොටම. වතුර නම් පුදුම සීතලයි.. නාන ගමන් නොමිලයේම මාලුන්ට කියල පොඩි මසාජ් එකක් දාගන්නන්ත් පුලුවන් මෙතන අවටත් පුදුම ලස්සනක්.


ගමන් මහන්සිය නිවාගෙන කෑම ටිකක් එහම කාලා නැවතිලා යන්න  මෙතන නම් ගොඩක් ගැලපෙනවා. මෙතනින් යන වෙලාවක පුළුවන් නම් පොඩ්ඩක් නැවතිලා මේ සුන්දරත්වය දැකගෙන විදගෙන යන්න ගොඩවන්න. හැබැයි  පා සටහන් විතරක් තියලා යන්න. මේ සුන්දර ස්ථානය රැකගන්න උදව් වෙන්න.ඔන්න අපේ ගමනේ ඡායාරුප ටිකක් අපි එකතු කරලා තියනවා පොඩි අදහසක් ගන්න..

 














ලස්සන මීමුරයට (meemure)


ලංකාවේ අව්‍යාජ ගැමි සුන්දරත්වය විදගන්න මේ වෙනකොට යන්න පුළුවන් සුන්දරම ස්ථානයක් ගැන තමයි මේ කියන්න යන්නේ. වර්තමානයේ ලංකාවේ කවුරුන් වුවත් ආස කරන ගොඩක් අය යන්න TRY කරන තැනක් තමයි මීමුරය .. අපි නම් යන්න පිටත් වුනේ ගාල්ලේන් නුවරට කෝච්ච්යේන් .. එතන ඉදලා BUS එකෙන් හුන්නස්ගිරියට අපි ගියා..එතන ඉදන් මීමුරේ ගමට යන්න අපි නම් තෝරගත්තෙ වෑන් එකක්.. මේ වගේ වැන් දෙකක් විතර තමයි හුන්නස්ගිරිය ඉදලා මීමුරයට  යන්න තියෙන්නේ..  යන්න තියන පාර නම්  ඉතිං හොද තත්වයක නැති වුනත් තියන සුන්දරත්වය නම් උපරිමයි .. අතරමග බලන්න විදගන්න තියන දේවල් නම් ගොඩක් තියෙනවා ..

ඉතා පොඩි කාලයක් අතුලේදී වෙනම දේශගුණ තත්වයන් කීපයක් විදගන්න ඔන්න හොදම අවස්ථාවක් මෙතනදි ලැබෙනවා.. ඉතිං ඔන්න අපි  හෙමින් හෙමින් මීමුරේට එනකොට ටිකක් රෑ වුණා.. වාහනේ ගමනෙන් පස්සේ ටික දුරක් අපි ගම මැදින් අපි නවතින තැනට යන්න වුනා..සුන්දර පිළිගැනීමක් එක්කම අපූර්ව රාත්‍රීයක් අපිට සූදානම් කොට තිබුනා..
මතක් කරන්න ඕනා මෙහාට විදුලිය ෆෝන් සිග්නල් එහම මොකුත් නෑ.. පන්දම් එළියෙන් ගැමි ආහාර වේලක් සමග පිටස්තර ලෝකයෙන් පොඩ්ඩක් මිදිලා එම අත්දැකීම විදගන්න අපි පටන් ගත්තා..මෙතනදි අපි  අනිවාර්යෙන්ම මතක් කරන්න උවමනායි අපිට මේ සියළුවම දේ සදහා උපකාර කල යමං කන්ඩායම්.. ඒ වගේම මයුර අපේ මිතුරාටත්.. තව මීමුරේ ගමනේ තව කොටසක් ඊලග ලිපියෙන් ...