පතනේ ගම - Redbana village - Matale

රෙඩ්බානා එහම නැතිනම් පතනේගමට

=======================

නිවාඩුවට යන්න තැනක්

රිවස්ටන් පහුකරන් පිටවල පතනට බැහැපු අය එතන තියන පුංචි ලෝකාන්තය බලන්න යන්න කොයිම වෙලාවකවත් අමතක කරන් නෑ.. ඔතන ලෝකාන්තේ අගට ගියාම නිමක් නැතුව ඈතට පෙන්නේ නිල් අහසත් කොලපාට වනයත් විතරයි.. ඈතීන් ඈතට පෙනෙන කදු ,කලුගග ජලාශය වගේ දේවල් අදුරගන්න පුලුවන්..

හැබැයි කෙලින්ම පහලින් කැලේ මැද පේනවා පොඩි ගොඩනැගිල්ලක්.. ගොඩක් අයට ඕක වෙනම ප්‍රශ්නයක්.. ඒ මොකක්ද .. ඒක විතරක් ඇයි කැලේ මැද්දේ..

ඔය තමා රෙඩ්බානා එහම නැතිනම් පතනේගම ගම්මානය. හැබැයි දැනට පෙනෙන්න ඉතුරු ඔය ගොඩනැගිල්ල විතරයි. ඔය ෆොටෝ වල තියන ගොඩනැගිල්ල නම් එලියට පේන්නේ නෑ.. කැලේ ඇතුලේ හැංගිලා තියෙන්නේ..

ගම්මානයක් කීවට මේ ගම දැන් අතෑරලා තියෙන්නේ.. මේ එක පවුල විතරයි ඉන්නේ..

මාතලේ රත්තොට හරහා රිවස්ටන් පහු කරන් පුංචි ලෝකාන්තය ගාවට යන්න ඕනේ එකටම. එතන ඉදලා තව පොඩි දුරක් ගියහම හමුවෙන තුංමං හන්දියෙන් වමට හැරිලා තව පොඩි දුරක් යනකොට වමට තියෙන පොඩි ගුරු පාරේ තමා මෙතැණට ලගා වෙන්න පුලුවන්... පතනේගම රුක් රෝපන වැඩසටහනක බෝඩ් එකක් පාර අයිනේම තියනවා හැරෙන තැන. හොයාගන්න අමාරු නෑ..

තාර පාරේ ඉදලා පැයක වගේ වෙලාවක් පයින් යන්න ඕනේ මෙතැනට ලගා වෙන්න.. හැබැයි මහන්සියක් නම් දැනෙන්නේ .මොකද කැලෑව අස්සෙන් ගස් වියනක් යටින් තමා යන්න තියෙන්නේ..

මේක වෙනස්ම ලෝකයක්. වෙනස්ම අත්දැකීමක්.. මෙතන සියලු මූලික පහසුකම් ටික තියනවා.. නවතින්න කාමර කීපයක් , අට්ටාලයක් සහ කූඩාරම් පහසුකම් පවා තිබෙනවා.. ඒ වගේම සනීපාරක්ෂක පහසුකම් ඉතා හොද මට්ටමෙන් තිබෙනවා.

මතක් කරන්නම ඕනේ ආගන්තුක සත්කාර.. නැන්දගේ කෑම රස බලන්නම වටිනවා.. පොලොස් ව්‍යාංජනය කොරලි ව්‍යාංජනය එහම වෙනම දිව්‍ය භෝජනයක්..

මේ අත්හැර දාපු ගම හරහා ගිහින් පතන ඇල්ල නරඹන්නත් පුලුවන්. පැය දෙක තුනක ගමනක්. හැබැයි ඒක මගෑරගන්න නම් එපා...

මතක තියාගන්න කලින් වෙන් කිරීමක් කරගෙන මෙතැනට යන්න. පවුලේ අය එක්ක සහ යාලුවෝ එක්ක ගිහින් නැවතිලා ඉදලා එන්න වටිනා තැනක්.. සොබාදහමත් එක්ක මුසුවුන තැනක්.. ඒ වගේම ඉතාම සාධාරණ අයකිරීමක් තමා සිදුකරන්නේ.. යන්න කලින් කතා කරන්න