Saturday, March 25, 2017

ඇල්ල සංචාරක ආකර්ෂණය

ලංකාව පුංචි දූපතක් වුනාට ලස්සනෙන් නම් දුප්පත් නෑ.. පොඩි වෙලාවක් තුල වෙනස් වෙන පරිසරයන්,වෙනස් වෙන කාලගුණයන්,දේශගුණයක් අපේ රටේ අත්විඳීමට පුළුවන් ..ඉතිං මේ හේතුව නිසා විශාල සංචාරක ආකර්ෂණයක් අපේ රටට තියෙනවා..ඒ වගේ විශේෂ වුන ස්ථාන විශාල ගනනක් අපේ රටේ තියනවා.. මේ කියන්න යන්නේ ඒ වගේ ප්‍රදේශයක් ගැන.. ඒ තමයි ඇල්ල..
මේ ලිපියෙන් අපි ඇල්ල ගැන සහ එහි බලන්න තියන දේවල් පිලිබදව පොඩි අදහසක් විතරයි දෙන්න බලාපොරොත්තු වෙන්නේ.. ඒ ඒ ස්ථාන ගැන ලිපි අපි එකින් එක දිගහරින්න අපි ඊට පස්සේ සූදානම්..ඇල්ල වැල්ලවාය මාර්ගයෙන් ඇල්ල නගරයට එන්න පුළුවන් ..ඒ වගේම බණ්ඩාරවෙල බදුල්ල පැත්තෙනුත් එන්න පුළුවන් .. නගරයට ආවම නම් හිතෙන්නේ පිටරටකට ආවා වගේ..ඒ තරමට වසර පුරාම සංචාරක ආකර්ෂණයක් ..
දැන් හැරෙමු බලන්න තියෙන්නේ මොනවද කියලා ඇල්ල අවට..

1.රාවණා ඇල්ල
2.රාවණා ගුහාව
3.පුංචි සිරිපාදය
4.ඇල්ල ගැප්
5.ආරුක්කු නවයේ පාලම
6.දෙමෝදර දුම්රිය ස්ථානය
7.ඇල්ල කන්ද


මෙම ස්ථාන තමයි ගොඩක් ප්‍රසිද්ධ වගේම අඩුම වෙලාවක් තුල යන්න පුළුවන් .. ඇල්ල කන්ද හැරුනම අනික් ඒවා ඕනම අයෙක්ට දවසක් තුල යන්න පුලුවන් .. ඇල්ල කන්ද කදු තරණය කරන්න ආස අයට යෝග්‍යම ස්ථානයක් .. මේ එක් එක් ස්ථාන ගැන අපි ලිපි පෙලක් ඉදිරියට එකතු කරනවා.. මේ පල කරලා තියෙන්නේ චායාරූප කීපයක් විතරයි..ඒ වගේම අපිට මග හැරුන නොදන්නා තව තොරතුරු තියෙන්න පුළුවන්. ඒ දේවල් අපිට කියන්න.











Thursday, March 23, 2017

Lipton Seat


ආතක් පාතක් නැතුව යන්න දිහාවක් නැතුව කොහෙ හරි යමන් කියලා අපි ලැබුන නිවාඩුවට ඇවිදින්න තැනක් හිත හිත අපි දෙන්න පාරට ආවේ.. බස් දිහා බලන් ඉදලා අන්තිමට තීරණය කර තැනකට යන්න..ඒ ලංකාවේ වගේම විදේශිකයන් අතරත් එක විදිහට ජනප්‍රිය lipton seat බලන්න යන්න.. හවස 4 බස් එකට නගිනකොටම. තිස්සමහාරාමයේ ඉදන් වීරවිල හරහා වැල්ලවායට ඇවිත් එතනින් බෙරගල පාරේ කොස්ලන්දට ඇවිත් පහුවෙනිදා පාන්දර තිරික්ක්ලේ සෙට් එක හපුතලේ බලා පිටත් වුනා..වාහනේක යනවා නම් හපුතලේට ගිහින් දබතැන්න පාරේ ගියාම හරි. හපුතලේ ටවුමේ ඕන කෙනක් පාර කියාවි අහපුවාම. බස් එකේ යනවා නම් හපුතලේ දබතැන්න බස් තියනවා විනාඩි 30න් 30ට.. දබතැන්නට විතරක් නෙවෙයි lipton seat ලගටම යන්න පුළුවන් බස් දෙකක් තියනවා. හපුතලේ ඉදලා රුපියල් 30ක දුර.. යන පාර පුදුම ලස්සනක්.. අපි දබතැන්න තේ ෆැක්ටරිය ගාව ඉදන් ත්‍රීවීලර් එක්කින් උඩට ගියේ.. ඒකට නම් රුපියල් 700ක් වගේ ගන්නව..ඒ වගෙම ප්‍රවේශපත් වලට 30ක් වගේ ලංකාවේ අයගෙනුත් ,විදේශිකයන් සදහා 50ක් වගේ අගයකුත් ගන්නවා..7km ක වගේ දුරක් තියනවා පහල ඉදලාම.. 
ඉතින් lipton seat ගැන කියනවා නම් මෙතනට ගියාම දැකගන්න ලැබෙන්නේ පුදුම ලස්ස්න දර්ශනයක්..හැබැයි මීදුම් වැස්ස නැති දවස්ක් වෙන්න ඕන. අපිට ඒ වාසනාව තිබුනා..කියන විදිහට නම් පලාත් 5ක් වගේ පේනවා.ඒ අත්දැකීම් ගිහිල්ල ගන්න ඉතුරු කරන්නම්.. විස්තර කරන්න අමාරුයි.. මෙතන පොඩි කඩයක් තියනව උනු උනු රොටියක් කාලා තේ එකක් බොන්න පුළුවන් විදිහේ.. හිතට දැනෙන හැගීම් අකුරු වලට පෙරලන්න අමාරුයි.. අපි ගියේ ත්‍රීවීලර් එකේ වුනාට අපි ආවේ පයින්ම තමයි.. තේ වතු මැදින් එනකොට වැඩි දුරක් නෑ වගේම ඒ ලස්ස්නත් එක්ක මහන්සියක් දැනෙන් නැති තරම්..ගිහින් බලන්න.. වාහන නැතිනම් බස් එකේ හරි.. ලංකාවේ තවත් එක් සුන්දරත්වය උපරිම තැනක්.. අපිත් එක්ක අලුතින් එකතු වුන රුවන් අයියා වගේම පවන් මල්ලිවත් මතක් කරන්න ඕන.. අපි නම් සුපුරුදු තිරික්ක්ලේ සෙට් එක.. යන්න ගිහින් හානියක් නොකර මේ සුන්දරත්වය විදගන්න..

https://www.facebook.com/thirikkale

























දියළුම දිය ඇල්ල උඩට


දිය ඇලි ලගට ගිහින් උඩ බලන් දිය ඇල්ල දිහා බලාගෙන ඉන්න කාලයක් අපිටත් තිබුනා.. වාඩි වෙලා දිය ඇල්ල දිහා බලන් ඉදලා,නාන්න පුළුවන් නම් නාලා එන්න විතර හිතුන කාලයක් තිබුනා.. ඒ වුනාට ඒ ගතිය නැති වෙලා දිය ඇල්ලක උඩට නගින උණක් ඇගට ඇවිල්ලා..එහම ලගදිම ගිය තැනක් තමයි කියන්න යන්නේ.. දිය ඇල්ල තමයි දියළුම දිය ඇල්ල.. තියෙන්නේ වැල්ලවාය බෙරගල පාරේ.. පාර අයිනෙම තමයි තියෙන්නේ. දිය ඇල්ල පාමුලටම යන්න පුලුවන් වගේම නාන්න වුනත් පුලුවන් ...



අපි එතන ඉදලා නැවතුනේ නෑ.. අපිට ඕන වුනා මෙතන උඩට යන්න.. ඒකටම හරියන විදිහේ. අපි ඔක්කම 6 දෙනෙක් පිටත් වුනා පාර අහගෙන.. දිය ඇල්ල ගාව ඉදන් වැල්ලවාය පැත්තට 300m ක් වගේ යන්න ඕනා පාර හොයගන්න. පාර අයිනේ තියෙන රෙස්ටුරන්ට් දෙකම පහු කරාම වන්ගුවත් එක්කම කොන්ක්‍රීට් පාරක් තියනවා රබර් වත්තක් මැදින්.. ඒ පාර දිගේ 2km ක් විතර යනකොට පොඩි කර්මාන්ත ශාලාවක් තියෙනවා.. හොයාගන්න අමාරු නෑ.. එය පහු කරනවාත් එක්කම වමට තියෙන පොඩි පාරේ යන්න ඕනේ.එතකොට හමුවෙන ගෙවල් වලින් පාර අහගන්න හරි මගපෙන්වන්න කෙනක් කතා කරගන්න හරි පුළුවන් .. අපිට නම් හරි අපූරු සගයෙක් මුණගැහුනා..නම් දිල්බබා.. පොඩි මල්ලි කෙනක්.. එතන ඉදන් එයාගේ පස්සේන් කන්ද නගින්න තමයි තියෙන්නෙ..

ගමන නම් ලේසි නෑ..2km ක් විතර යන්න තියනවා එතන ඉදලා.. අමාරුවෙන් අපිත් උඩටම ගියා.. උඩ තියන ලස්සන නම් වචන වලට පෙරලන්න අමාරුයි.. ඒ ලස්සන ඉස්සරහ අපි ඒ තරමටම දුප්පත් වුනා..උඩ නාන්න පුලුවන් විදිහේ පොකුනු කීපයක් තියෙනවා.. ඒ වගේම camping කරන්න නම් කියාපු තැනක්.. අපේ අනිත් සගයන්ගෙන් ලැබුන සහයෝගය නම් අති විශාලයි.. ලංකාවේ අය නම් නෙවයි.. එක වෙලාවක අපි අතරමං වුනා.. කොහම හරි අන්තිමට අපි යන්න ඕන තැනට ආවා..ඒ වගේම කියන්න ඕනා මෙහේ අලි ඉන්නවා.. ඒ හින්දා ගමන පරිස්සමින් ...ගිහින්ම බලන්න..



https://www.facebook.com/pg/thirikkale/posts/