Saturday, June 20, 2015

රහතන් කන්ද (RAHATAN KANDA)




බදුල්ලට කෝච්චියෙන් ආපු තිරික්කලේ අපිට බදුල්ල පුරවරයේ ඉන්න හිටින්න වගේම ඇවිදින්න ඕනා ස්ථාන ගැන නම් ලොකු දැනීමක් නම් තිබුනේ නැ. ඒකට අපි කලින් සුදානම් වුණා. බදුල්ලේ ATI එකේ අපේ පාඨමාලාවේ සහෝදරියක් අපිට උදව් වුණා.ඒක මතක් කරන්නම ඕනා.
.
 ඔන්න තිරික්කලේ අපි ඔක්කම් අලුත් තැනක් බලන්න පිටත් වුණා උදේම.ඒ රහතන් කන්ද නගින්න. යන්න අපි නම් සුපුරුදු පරිදි තෝරාගත්තේ පොදු ප්‍රවාහන සේවය තමයි. ඒ කියන්නේ බස් එකේ තමයි අපි ගියේ.බුත්තලට ගිහින් බුත්තල,මොණරාගල බස් එකකින් ගිහින් ගම් උදාව ගාවින් බැහැපුවම රහතන් කන්ද නගින්න පටන් ගන්න පන්සල ගාව.බුත්තල ඉදලා විනාඩි 20ක් වගේ තමයි ගතවෙන්නේ ගමනට.

 එතනින් බැහලා පන්සලට ගිහින් කන්ද නගින්න පටන් ගන්න පුළුවන් පඩිපෙල් වලින්. හැබැයි ටික දුරයි. එතන ඉදලා පාර හොයන් තමයි යන්න වෙන්නේ. කන්ද ගෑන දන්න කෙනෙක් එක්ක යනවනම් වඩාත් හොදයි මොකද පාර හොයාගෙන නගින්න වෙන නිසා අතරමන් වෙන්න ඉඩ තියෙනවා. තිරික්කලේ අපිත් අතරමන් වෙල බොහොම අමරුවෙන් තමයි පාර හොයාගත්තේ. දවල් කාලෙ නගින එක වඩාත් හොදයි ඒක අලුත් අත්දැකීමක්.කන්ද මුදුනටම ගියාපුවහම නම් ඔක්කම මහන්සි අමතකයි.
 මතක තියා ගන්න මෙතන භාවනා යෝගීව වැඩ වසන සඝරුවනට බාධාවක් නොවන්න හැසිරෙන්න වගබලාගන්න. එය ඔබ සිහියේ තබාගත යුතුම දෙයකි.ඉතින් ඔයාලත් ගිහින් බලන්න අපි අත්විදී ඒ සුන්දරත්වය..
















































































බදුල්ලට කෝච්චියෙන් ( to badulla by train)

එක දිගට ඔන්න දේශනා වලට එහම ඉදලා වැඩ ගොඩකට හිරවෙලා ඉදලා අපි වේලාවක්‌ හොය හොයා හිටියේ අපි ගොඩක් දවසක ඉදලා සැලසුම් කරපු ගමනක් යන්න. ඔන්න යන්න වේලාවක් නම් ලැබූන. පොසොන් පෝය නිවාඩුව තෝරාගත්තා ගමන යන්න. ඒ ලංකාවේ කෝච්චියෙන් යන්න පුළුවන් ලස්සනම දුම්රිය ගමන. ඒ තමා බදුල්ලට කොළඹ ඉදලා කෝච්චියෙන්.

ගමනට තිරික්කලේට අලුතින් එකතු වුනා තවත් යාළුවෝ 3 දෙනෙක්. අපි ඔක්කම ගමන පිටත් වෙන්න තෝරාගත්තේ රාත්‍රී තැපැල් දුම්රිය සේවය.රාත්‍රී 8 .00 වෙනකොට අපි ගමන ආරම්භ කළා බදුල්ල දක්වා. අපි නම් දෙවන පන්තියේ ගියේ.
 රාතී‍්‍රය වෙනකොට කදු ගමන පටන් ගන්නවා.ඒ එක්කම සීතල වැඩි වෙනවා ටික ටික . ඒකට නම් සූදානම් වෙලා යන එක නම් ගොඩක් හොදයි.පාන්දර වෙනකොට තමයි ගමනේ ලස්සනම කොටස පටන් ගන්නේ .. කදු මුදුන් වලට ඉර එලිය ටිකෙන් ටික වැටෙන කොට තියෙන ලස්සන මේ ලංකාවේද අපි ඉන්නේ කියලා හිතෙන තරමට ලස්සනයි .. මේ වෙනකොට කෝච්චිය යන්නේත් ඉතා හෙමින්. ඒක ගොඩක් උදව් වෙනවා මේ ලස්සන දැක ගන්න විදගන්න. මේ වෙනකොට නම් අපේ කෝච්චි පෙට්ට්යේ හිටියේ අපි ටික විතරයි. අපි ඒ හින්දා නිදහසේ ඒ අසිරිය බලාගත්තා.

 උදේ 8 වෙනකොට අපි ඔන්න බදුල්ල දුම්රිය ස්ථානයට ආවා. ඒ අත්දැකීම් ඔක්කම අලුත් මතකයන් ගොඩක් එකතු කළා අපි ඔක්කටම . ඔයාලටත් ගිහින් බලන්න . ඒ අත්දැකීම ලබාගන්න. උදෑසන දුම්රියන් 2ක් තියනවා මේ දුම්රියට මේ අමතරව. අපි හිතනවා ඔයාලටත් අවස්ථාවක් ලැබෙන්න කියල මේ ගමන ගිහින් ලස්සන මතක ගොඩක් ඒකාකාරී ජීවිතයට වෙනසකට එකතු කරාගන්න කියලා ..





































Sunday, June 14, 2015

පරෙයි වැල්ල ( parei beach)

නිවාඩුවක් අවස්ථාවක් ලෑබූන ගමන් තිරික්කලේ අපි අතුරුදහන් වෙනවා. ඒ කියන්නේ අපි ගියපු නැති යන්න අසා හිතෙන තැනකට සංචාරයක් කරන්න..ඔන්න නිවාඩුවක් වගේම අවස්ථාවකුත් ලෑබුනා. අපි වැඩිය හිතන්නේ නැතුවම පිටත් වුණා තවත් ලස්සන තැනක් බලන්න යන්න..

තංගල්ල නගරයට ඇවිත් රෝහල, පොලිස් මුලස්ථානය අසලින් දිවෙන මාර්ගය දිගේ ටික දුරක් ආවහම මේ සුන්දර වෙරළ තිරයට ලගා වෙන්න පුළුවන්..ඇවිදන් යන්න පුළුවන් දුරක් තමයි තියෙන්නේ. නාවික හමුදා කදවුර ඉස්සරහම නිසා අරාක්‍ෂාව ගැන නම් හිතන්න දෙයක් නැ.

නොගැඹුරු මුහුදු තීරයක්, විශාල වෙරලක් මෙහි දැකගන්න පුළුවන්. ඒ වගේම කොරල් පර සහිත මුහුදු තීරයක් නිසා මෙතන ඉතා ආකර්ෂණය ස්ථානයක් වී තිබෙනවා කිමිදීම සදහා.. එමෙන්ම මෙතනට පැමිණේන අයට පහසුකම් සියල්ලක්ම වාගේ සලසා දී තිබීමත් අනිවාර්යෙන්ම මතක් කල යුතුයි.

ඉතින් අපි නම් ඒ අත්දැකීම ගිහින් විදාගත්තා.. අපි ඔයාලාටත් අරාධනා කරනවා ඇවිත් ඒ අලුත් අත්දැකීම විදගන්න. හැබැයි එතන ආරාක්ෂ කරාගන්න සැලකිලිමත් වෙන්න කියල ඉල්ලා සිටිනවා...